Kung tutuusin, kailan lang halos pumalaot sa showbiz ang half British-half Pinoy model na si Jon Avila, naging daan nga para kay Jon ang pagiging housemate niya sa Pinoy Big Brother Celebrity Edition late last year at ngayon, hindi matatawarang isa na rin ang Kapamilya star na ito sa masasabing may nabubuong magandang following sa showbiz.

Maging si Jon, nang makausap ng PEP (Philippine Entertaiment Portal) ay tila hindi pa raw makapaniwala sa nakitang pagtanggap sa kanya ng mga manonood sa katatapos lang na first night concert ng Coverboys sa Music Museum. Close to Jake Cuenca ay si Jon ang may isa sa masasabing maraming tagahanga sa audience at dahilan kung bakit nanood ang mga ito, na mostly pa nga ay girls.

“Yeah, I’m very overwhelmed. It’s so overwhelming talaga. It’s not just as a person but as Coverboys, as a group. Sana we can take it to the next level na. Siguro sa world na,” obviously, Jon’s referring to their U.S. concert tour.

“Basta ako, masayang-masaya ako ngayon. I’m really happy that we got this far and what we achieved tonight.”

Ayon kay Jon, the more raw na walang pagsisisi siyang nararamdaman on staying here and pursuing his career as an actor.

“I love it! I really love what’s happening with my life right now. I’m really happy and I don’t regret anything. Siguro when I look back, when I’m old, this is the year or probably months that I’ll cherish since I really joined showbiz. I’m very very happy.”

Naniniwala si Jon na bukod sa PBB, malaki rin daw ang pasasalamat niya sa kanyang show na Kapitan Boom dahil mas lalo siyang nakilala ng mga tao dahil sa naturang show niya sa ABS-CBN tuwing Sabado.

THE HEIGHT. Sa first night concert nga nila, masasabing ang pagta-trunks ang pinaka-daring act na ginawa na nila sa buong show. Pero si Jon na mismo agad ang nagsabing sa part niya, siguro raw ay yun na ang pinaka-daring na puwede niyang gawin or ipakita.

“I don’t think I can do anything more daring than that. Kasi, naka-trunks na ‘ko kanina, e,” natatawa niyang sabi. Although, on the other hand, Jon told us na hindi na siya naiilang sa ganoon since nasanay na rin daw siya sa modeling.

“Nasanay na rin ako since I’m a Bench Body model. Pero I guess, this is it na, this is the height na. If you want to see more… We’ll see…we’ll see what will happen.

“But I guess, dancing with just the underwear on, I guess, that’s the ultimate na. At saka, ako kasi, medyo nahirapan ako sa mga dance number naming. Hindi naman ako marunong sumayaw. And I’m still new in showbiz, so, I’m still getting sanay to the music, learning to dance to the music.”

Nagpa-practice na talaga siyang magsalita ng Tagalog. Kaya nga bawat salita niya ay may Tagalog words. Malaking tulong daw ang pagbabasa niya ng script na may Tagalog words at pagbabasa ng Pugad Baboy na comic books.

COVERBOYS TV SHOW OR MOVIE. Proud na proud si Jon sa Coverboys na kinabibilangan niya. In fact, pangarap nga niyang magkaroon daw kahit sitcom man lang ang grupo nila.

“I wouldn’t mind magkaroon kami ng sitcom…or movie na Coverboys. I think, that would be fun. I think as a group, that would be our dream, to have a show of our own.”

Pinasubalian naman ni Jon na sa kanilang lahat, may kumpetisyon din na nagaganap.

“No, we’re all the same. Everyone will have their own time. Everyone has their own career naman, e. So, no. Para sa akin, we’re all in the same level of our careers, e.”

Lastly, PEP asked Jon to define his being a coverboy, if it’s on the side of being naughty or being daring, at sey nga niya, “This is the side of being having fun while we’re still young. In a few years, I’m not gonna do this. So, I wanna look back when I’m old na I was able to do all these thing.

You know, I’m even proud or flattered to the fact that I can dance around in my underwear, in front of a live audience. That’s an achievement. That’s a big thing!”